Rósa útskrifaðist af nýmiðla tónsmíðum frá Listaháskóla Íslands vorið 2020, þar sem hún lagði meðal annars áherslu á laga og textagerð.  Hún hefur sungið og verið í kórum frá því hún var barn og núna síðast var hún í Kvennakórnum Kötlu.
Hún er einnig í tríói sem heitir Þrjár, en þær eru þekktastar fyrir að semja texta um líðandi stundir við þekkt lög sem þær syngja í þekktum útsetningum, eða útsetningum eftir Rósu. Þar ber helst að nefna Deitlíf á Íslandi sem flaug um samfélagsmiðlana sumarið 2017.
Hún stofnaði hljómsveitina Sunnyside Road ásamt Aldísi vinkonu sinni 2012. Þar var hún aðallega í lagasmíðum, röddunum og undirleik. Þau spiluðu á nokkrum tónlistarhátíðum og hrepptu meðal annars annað sætið í Coverlagakeppni Rásar 2 árið 2014 með lagið Winterlong . 
Rósa hefur verið að taka að sér verkefni og að koma fram með ýmsu tónlistarfólki við allskyns tilefni, bæði almenn og einkasamkvæmi.
Til að mynda söng hún með Ragnari Ólafssyni í sólóverkefninu hans á nokkrum tónleikum eins og Sofar Sounds, Airwawes, Menningarnótt ofl. 2016-2017 og tók þátt í verkefninu Before the Slumber hjá Sveini Orra Símonarsyni þar sem hún spilaði á hljómborð 2017.
Hún söng einnig raddanir inn á plötuna Illusions hjá HEIÐRIK 2019 og nokkur lög inn á barnaplötuna "Ísland - Söngur dýranna"  eftir Einar Þorgrímsson 2013
Hún samdi einnig tónlist í samvinnu við hljómsveitina Múgsefjun, við stuttmyndina Urður Tanja sem hún skrifaði 2010, og vann með þriðja ári leiklistardeilar Listaháskóla Íslands árið 2019 við tónlistarsköpun á verkinu þeirra “Bransinn- Revía”
Helsti kostur Rósu í tónlist er hvað hún er snögg að búa til raddanir og gera fallegar melódíur og útsetningar.

Tónlist - samantekt

Lagasmíðar “Grýla” sem bættist við jólasýninguna Ævintýri í jólaskógi 2023 sem sett er upp á hverju ári í Guðmundarlundi

Lagasmíðar 2022 fyrir jólasöngleikinn Jól í Vetrarríki eftir Jennýju Láru Arnórsdóttur sem frumsýndur verður um leið og tök eru á.

Lagasmíðar “Jólastjarnan mín” sem bættist við jólasýninguna Ævintýri í jólaskógi 2021 sem sett er upp á hverju ári í Guðmundarlundi

1/3 lagasmíða, útsetningar og vinna í stúdíói fyrir geisladiskinn og söngleikinn um Bakkabræður hjá Leikhópnum Lottu 2020

Rúmlega helmingur lagasmíða, útsetningar, vinna í stúdíói og umsjá tónlistar fyrir söngleikinn og geisladiskinn um Litlu Hafmeyjuna hjá Leikhópnum Lottu 2019

Um helmingur lagasmíða, útsetningar og vinna í stúdíói fyrir tónlistina í söngleiknum og á geisladisknum um Gosa hjá Leikhópnum Lottu 2018

Helmingur lagasmíða, útsetningar og vinna í stúdíói fyrir tónlistina í söngleiknum og á geisladisknum um Ljóta Andarunganum hjá Leikhópnum Lottu. 2017  

 Fornar slóðir (live),  sólóverkefni 2017. Lag, texti og strengjaútsetningar

 Sumarævintýri (live), sólóverkefni 2017 Lag og texti 

Útsetning á kórverki (SATB) við lag Bjarna Þorsteinsonar – Þess bera menn sár. 2017

Lagasmíði við ljóð Katrínar Aspar Jónsdóttur, Einn dag í senn. Til styrktar minningarsjóðs Jennýjar Lilju sem lést af slysförum. 2017

Útsetningar á nokkrum lögum fyrir tríóið Þrjár. 2015-17

Lagasmíði nokkur verk, t.d Let me see, fyrir Sunny Side Road 2012-2014

 Nokkur lög á geisladiskunum: Litaland 2016, Litla gula hænan 2015, Hrói Höttur 2014, Mjallhvít 2011